Happy Diwali 2019

#HAPPY DIWALI 2019

Diwali is the biggest of all Hindu festivals.Deepawali is a combination of two words, deep meaning "light" and avail "a row" to develop into "a row of lights."                                                           " Diwali " is a four day celebration of the festival, which accurately lights the nation with its brilliance and dazzles peoples with its delight.                  #Happy Diwali #Diwali History, #Deepavali Images, #Happy Deepavali. 

# HAPPY DIWALI 2019

•                      🌟 दिपावली 🌟                            दिवाळी भारतातील प्राचीन आणि प्रसिद्ध सणांमधील एक आहे.हिंदू धर्मात दिवाळी विशेष महत्व आहे.दिवाळी सण साजरा करायच मुख्य कारण कि या दिवशी प्रभु श्रीराम त्यांची पत्नी सीता आणि भाऊ लक्ष्मण सह 14 वर्षाचा खडतर वनवास भोगुन अयोध्येमधे परत आले होते.त्यावेळी त्यांनी महामायावी रावणाचा वध केला.त्यामुळे त्यांच्या स्वागतासाठी अयोध्येतील प्रजेने तेलाच्या पणत्या पेटवून प्रकाशशोत्सव मोठ्या जल्लोषात साजरा केला होता.       दिवाळीला हिंदू बांधव एकमेकांना शुभेच्छा देतात.बाजारामध्ये लहान मुलं कपडे,खेळणी, फटाके,मिठाई विकत घेतात.स्त्रिया व पुरूष मंडळी पारंपारिक पध्दतीने दिवाळीच्या मुहूर्तावर सराफाकडे जाऊन सोने खरेदी करतात.तज्ञांच्या मते या मुहूर्तावर नवीन वस्तू अथवा सोने खरेदी करणे अत्यंत शुभ मानले जाते.दिवाळीला आंब्याच्या पानांचे आणि झेंडूच्या फुलांचे आकर्षक तोरण मुख्य द्वारावर लावले जाते.अंगणात प्रवेश द्वारासमोर वेगवेगळ्या रंगाच्या रांगोळया काढल्या जातात. रांगोळीला हिंदू धर्मामध्ये विशेष महत्व आहे आणि ती शुभकारक मानली जाते.अंगणातल्या एका बाजूला लहान मुले एखाद्या किल्याची प्रतिकृती माती आणि दगडांच्या साहाय्याने उभी करतात त्यानंतर तो किल्ला रंगवून त्यावर छत्रपती शिवरायांचे प्रतिकात्मक मावळयांचे छोटे पुतळे आणि सर्वांत वरती छत्रपती शिवरायांचा सिहांसनावर बसलेला पुतळा बसविला जातो.दिवाळीच्या निमित्ताने छत्रपती शिवरायांचे आणि त्यांच्या किल्याचे स्मरण केले जाते.नव्या पिढीला आपल्या पुर्वज्यांच्या ईतिहास आणि पराक्रमाची ओळख होते.               🌟दिवाळीत क्रमाने येेेणारे सण आणि त्यांचे महत्व.                                          🔹वसुबारस🔹                                                  आश्विन कृष्ण द्वादशीस हा वसुबारस सण साजरा केेला जातो.आपला देश कृृृषीप्रधान असल्याने 

येथील शेतकरी वर्ग आपल्या जवळील बैल,गाय आणि वासरांना स्वछ करतो.त्यांना या दिवशी हळद-कुंकू अक्षता आणि फुलांची माळ त्यांना घालून निरांजनाने ओवाळणी केली जाते.त्यांच्यासाठी खास या दिवशी पुरणपोळीचा स्वयंपाक करून तो केळीच्या पानावर ठेवून गाई वासरास खावयास दिला जातो.              🔸नरक चतुर्दशी🔸                                              या दिवशी भगवंत " श्रीकृष्णाने " नरकासुराचा वध करून प्रजेला त्याच्या अन्यायापासुन मुक्त केले.श्रीकृष्णाच्या या पराक्रमाची आठवण म्हणुन आश्विन कृष्ण चतुर्दशीस " नरक चतुर्दशी " हा सण साजरा केला जातो. आपल्या भारतवर्षात या दिवशी अभ्यंगस्नानाची प्राचीन परंपरा आहे.पहाटे उठून संपूर्ण शरीराला नारळाच्या रसापासुन काढण्यात आलेेले तेेेल व सुुुवासिक उटणे लावून सुर्य उगवण्या आधी केेेलेले स्नान म्हणजेच अभ्यंगस्नानं. त्यानंतर सर्व कुटुंबा समवेत करंजी,लाडू,शंकरपाळे,चिवडा,आदी विविध प्रकारचा गोड फराळ करतात. सायंकाळी देवी लक्ष्मी मातेचे पुजन विधिवत केले जाते. व्यापारी व व्यावसायीक वर्गाचे हिशोबाचे नवीन वर्ष म्हणजेच        ( विक्रमसंवत ) खरया अर्थाने लक्ष्मी पूजनानंतर सुरु होते.                                                                    🔹 दिवाळी पाडवा 🔹                                         नरक चतुर्दशीचा पुढील दिवस कातिॅक शुध्द प्रतिपदा   ( बलीप्रतिपदा ) म्हणुन साजरा केला जातो. या दिवसाला दिवाळी पाडवा म्हणुन देखील ओळखले जाते. साडेतीन मुहूर्तातील एक मुहूर्त म्हणुन या दिवसाला विशेष महत्व आहे. या दिनी बळी राजाचे प्रतिकात्मक रांगोळीने चित्र काढतात व त्याची विधिवत पुजा करतात. " ईडा पिडा टळो,बळीचे राज्य येवो "असे म्हटले जाते. वर्षभर शेतात परीश्रम करत असलेल्या बैलांना स्वछ करून रंग लावून व माळ घालून सजवतात.त्यांना गोड पदार्थ करून खावू घातले जातात.                                                                 🔸भाऊबीज🔸                                                  दिवाळी पाडवा पुढील दिवस भाऊबीज हा सण साजरा केला जातो. भाऊ-बहिणींचा स्नेह वृध्दींगत करण्याचा हा दिवस मानला जातो. या दिवशी भाऊ बहिणीच्या घरी जातो.बहिण भावाला ओवाळते.भाऊ तिला ओवाळणी  म्हणुन एखादी स्नेह भेट ओवाळणीत टाकतो.   #Happy Diwali #Diwali History,#Deepavali Images, #Happy #KONKAN BEAUTY # INDIAYA WALI DIWALI

# HAPPY DIWALI 2019

https://konkanbeauty.blogspot.com

EK HOTA DANU ( PART 2 )

# EK HOTA DANU  (PART 2)

#Konkan Beauty  #Short story               https://konkanbeauty8.blogspot.com    EK HOTA DANU (PART 2)                                  जसे दिवस पुढे-पुढे सरकत होते तसा दानूचा ईश्वर या संकल्पनेवरचा विश्वासच उडत चालला होता. देव नावाच्या प्रतिमांना या कागदी निर्जिव फोटोंना तो पाठीराखा मानत होता.पण आज सकाळ पासून दानू नेहमीपेक्षा अस्वस्थ वाटतो आहे.नित्य नेमाने देवाची पूजा करणारा दानू आज कोणत्यातरी वेगळ्या गुढ विश्वात हरवला होता.दानूला शाळा सोडून आठ एक वर्षे उलटली होती.दानूच्या पुढे निघुन गेलेले मित्र जेव्हा कधी मागे वळुन पहातात तेव्हा तो अपयशाच्या मैलाशी मनात सुख दुःखाची गोळाबेरीज करताना शरीरांन हतबल...परीस्थितीने बेजार...आणि मनांन निराश झालेला दिसतोय.आजपर्यंत मी दानूला अशा अवस्थेत कधीच पाहिला नव्हता.तरीही त्या खडतर परीस्थितीत तो उदरनिर्वाहाची केवीलवाणी धडपड करत होता.चातका प्रमाणे सुखाच्या एका कवडशाची डोळ्यात प्राण आणून वाट पहातोय.त्याच्या डोळयातले अश्रू सुकून गोठलेत.त्याचा तो अवतार पाहुन माझ्या अंतःकरणात प्रचंड  कालवाकालव झाली.दानूच्या या अवस्थेकडे पाहुन स्वैर खळखळत्या सागराच्या लाटा देखील क्षणभर वहाताना स्थिर होतात की काय असा भास निर्माण होतो.दानू दूर कुठेतरी पहात स्वतःशिच बडबडत होता." आमच्या सारख्या लोकांनी खोटं हसू जपत जगायचं असतं...का ?तर या व्यवहारी दुनियेच्या खोटया प्रतिष्ठेसाठी...खोटया माणसांसाठी...मृत्यूची वाट पहात जीर्ण झालेल्या स्वप्नांचे ताजमहाल बनवत एक-एक दिवसांनी मरायचं असतं.इथे या भुतलावर कधीही परत न येण्यासाठी...आणि अचानक बडबडताना थांबतो.आणि पुन्हा स्वतःशीच बोलुन लागतो."आजपर्यंत दानूच्या हक्काच मायं आणि बापाच्या आठवणी शिवाय तीसरा कुणीच नव्हता.हा काळ मात्र केव्हाच पुढे सरकला देखील आणि त्या जुन्या होऊन धुळ खात बसलेल्या आठवणींवर निरर्थक विचार करत बसलाय.हि दुनिया तुला वेडा समजतील कारण तू दुर्बल आहेस.अरे जे लोक ज्यांना आजपर्यंत तू माझे-माझे म्हणत आलास नां तीच लोक आज या घडीला तूला आधार देखील नाही देणार. त्या नंतर हिच माणसं हे जग तुझ नाही दानू सांगायला मागे पुढे देखील पाहणार नाहीत.आणि तुझ्या कल्पनेतल जग कोणत्यातरी कोनात असलच तर अतिशय विद्रूप असेल.दानू स्वतःशीच बोलू लागला."अरे ज्या माझ्या अशिक्षीत पण कष्टाळू बापानं या लोकांना अडचणीच्या वेळी मोलमजुरी करुन त्यांची वेळ मारून नेली.दिवस रात्रीचा विचार न करता मदत केली.त्यांच्या शेतात राब-राबला ती माणसं आज यशाच्या शिखरावर पोहोचल्यावर माझ्या बापाला या दानूला साधी ओळख दाखवू शकत नाहीत. याचा अर्थ सरळ आहे...आम्ही झालो आहोत त्यांच्यासाठी या पृथ्वीवर रेंगाळणारे निरूपयोगी किडे...फक्त किडे"...येणारी जाणारी गर्दी दानूकडे संशयी नजरेने पाहतेय.दानूही त्यांच्याकडे पहातो.                                                              ती माणसं मोठ मोठयाने हसू लागतात त्याच्याकडे बघुन,पण त्याच्या डोळ्यांतुन अश्रू येतात झटकन.तरीही तो ते आनंदाचे सांगुन एक हात उंचावून,दुसरया हाताने अश्रू पुसतो पटकन.                                                    पण त्या उलट्या काळजाच्या माणसांना काहीच नसतं.कारण त्यांचा स्वार्थ साधुन झालेला होता.यशाच्या आनंदात ही माणसं नव्हे तर माणसाच्या वेषात वावणारी जनावर दानूला त्याच्या वडिलांना किती सहज विसरून गेली आहेत.कारण व्यवहाराने तो कुणाचा कुणीच नव्हता.पण काही नाती अशी असतात की त्यांना ठेवण्यासाठी नावच नसतात.अशा स्नेहाच्या नात्यांना आपण अनामिक स्नेहबंध म्हणुया.पण अशी काही नाती या असत्याच्या जगात सत्य आणि श्रेष्ठ असतात.तुमच्या यशाच्या वाटचालीत एखाद्या आनंदाच्या क्षणी या दानूला आपल्यात सामील करून घेता तर...?कधी नाही केली मैत्री तुम्ही त्याच्याशी...चार शब्द त्याचेही ऐकुन घेता तर...?तुम्हाला नाही वाटत या कथेतील दानूची हरवलेली स्वप्न जशीच्या तशी वास्तवात यावीत.त्यालाही मनोमन वाटतयं ते त्याच्या डोळ्यात दिसतंय.आपणही या दुनियेत यशस्वी होऊन दाखवावे.आणि मग ताठ मानेने आणि आनंदाने मनभरून एखाद्या खळखळणारया झरयासारख हसावं.खरंच असं घडले असतं तर...?हा भोळा दानू इतरांसाठी काही ना काही करत राहीला.आणि त्याला या कालचक्रात दोन सुखाचे क्षण सापडू नयेत.दानूचं एक ईवलस स्वप्न होतं कि त्यालाही तुमच्या आमच्यासारख यशस्वी व्हायचं होतं.पण हे त्याच स्वप्न अखेर स्वप्नच राहिलं.दानू अचानक झोपेतून जागा झाला आणि "अरे हा दानू देखील यशस्वी होऊ शकतो...गरीब बापाचा गरीब मुलगा असलो म्हणून काय झालं...हा दानू यशस्वी होणारचं "...दानूचा हे बोलताना स्वतःवरचा ताबा सुटला होता.बेफाम होऊन तो काहीतरी तोंडातल्या तोंडात पुटपुटत होता.ज्वराने अंग फणफणत होते.त्याचे शब्द आणि शरीराचा ताळमेळ चुकला होता.दानुचा आवाज हळूहळू ऐकु येईनासा झाला. तो तुम्हाला आम्हाला हे सांगण्यासाठी कि " मला देखील या तुमच्या यशाच्या वास्तव जगात तुमच्या प्रमाणे यशवंत व्हायचं होतं " चहोबाजूंनी आभाळ भरून आलं होतं...विजांसह वादळी पाऊस सुरू झाला होता. काळ्याकुटट अंधारात आधारासाठी कुणीच उरलं नव्हतं.त्याच्या सोबतीला होती भयाण शांतता. त्या शांततेला चिरत दुरवर स्मशानच्या दिशेला भेसुर कोल्ह्यानंच किंकाळीने ऐकू येत होतं.अचानक दानुच्या छातीत कळ उठली आणि दानू एकदाच मोठ्याने ओरडला " मायं............... SS " म्हणून तो पावसाने लालबुंद झालेल्या मातीच्या चिखलात कोसळला.................दानुनं या जगाचा निरोप घेतला होता.सर्व मित्रांना किर्तीवंत व्हा...यशवंत व्हा...असा आशावाद देणारा तू स्वतःच या मित्राला सोडून दूर-दूर नि...घा...ला...स...का दानू ? का ?            #Written by Prasad Logade 

https://konkanbeauty8.blogspot.com

EK HOTA DANU (PART ONE)

#short story#New article#Blog                        " Ek hota Danu " (Part One) 

#EK HOTA DANU (PART ONE) 

        एखाद्याच्या जीवनातला असा एखादा प्रसंग ज्यानं त्या व्यक्तीच सबंध आयुष्यच पलटून जाईल.जरा वेगळ्या अर्थात सांगायचं झालं तर आपण त्याला मातृभाषेत अचानक व्यवहारी कामकाजाला अधभुत कलाटणी देणारं वळण म्हणुया.एखादवेळी हे वळण आपल्याला किंवा समोरील व्यक्तीस सुखकारक अथवा दु:खकारकही असु शकते.तर अस हे अनाकलनीय आयुष्याचा वळण. त्याच्या एका टोकाकडुन पाहिले तर समोर गर्द दाट धुकं पसरलेलं दिसतंय तर अगदी दुसरीकडे पाहिलं तरीदेखील तीच स्थिती. म्हणूनच आपण पुढे भविष्यात काय घडणार याचा विचार न करता आपल्या दैनंदिन जिवनामध्ये अधिकाधिक आनंदी कसे रहाता येईल याचा कुठेतरी विचार करायला हवा.जिवनाच्या रहाटगाडग्यात असे काही सोनेरी दिवस...क्षण...असे काही निघून जातात की त्या भुतकाळतल्या आठवणी आपल्याला आठवत देखील नाहीत. तर काही गोष्टी मनाच्या पटलावर ईतक्या एकरुप होतात की त्या विसरायचा कितीजरी प्रयत्न केला तरी तो निष्क्रीय ठरतो.                                  तर आपण आयुष्यात अचानक आलेल्या वळणा विषयी बोलत होतो.माझ्या एका मित्राच्या बाबतीत असंच काहीसं घडल आणि ती गोष्ट मी आपल्याला मनापासून सांगण्याचा प्रयत्न करणार आहे. त्या मित्राच नाव आहे दिनेश पण ग्रामीण बहुतांशी अशिक्षीत वस्तीत राहुन त्याच नाव बदलत जावुन दिनेशचा 'दानू' केव्हा झाला हे त्याला देखील कळलं नाही. एका छोट्याशा खेड्यात...एका गरीब कुटुंबात जन्म झाला त्याचा.त्याची घरची परिस्थिती तशी हलाकीची होती.दानूचे वडील मोलमजुरी आणि आई लोकांच्या घरी धुणीभांडी करून कसेबसे संसाराचा अवघड गाढा रेटत होते.अशातच दानू गावच्या शाळेत शिकत होता. दानूची शाळेतील प्रगतीही चांगली होती. दानू शाळेतील सर्व शिक्षकांनचा लाडका विद्यार्थी झाला होता. संभाषण...चित्रकला...क्रीडा...अभ्यासात तो वर्गातील ईतर हुशार मुलांपेक्षा काकणभर सरस होता. दानूचा हा हुशारीचा रथ कुणीच रोखू शकत नव्हता.पण अचानक एका वादळानं दानूच्या सप्नांना भुईसपाट केलं.एके दिवशी दानूच्या वडिलांनी दानूला शाळेतून काढला.शाळेतील मुख्याध्यापक...शिक्षकांनी...एवढंच काय तर दानूच्या वर्गातील मुलांनी अश्रू ढाळत समजावले.पण त्या क्षणाला दानूचे वडील कुणाच ऐकण्या समजण्या पलीकडे गेले होते.शाळेच्या आवारात भयाण शांतता पसरली होती.मात्र त्या शांततेला चिरत दानूच्या हृदय पिळवटुन टाकणारं रडणं शाळेच्या आवारा बाहेर जात होत.शाळेला लागूनच असलेल्या रस्त्यावर मजा बघणारी मंडळी जमा झाली होती.ती गर्दी बघून दानूचा बाप भयंकर पिसाटला.त्याने दानूच्या गळ्याजवळ शर्ट पकडला आणि लालभडक धुरळयातून तसाच फरफटत त्याला झोपडीपाशी आणलं आणि आत ढकलून दिलं.एक गावरान शिवी हासडून मातीच्या लोटयातल पाणी गटागटा पिवू लागला.ईतक्या नदिवर धुणं धुण्यासाठी गेलेली दानूची आई आली.डोक्यावरची धुण्याची फाठी अंगणात टाकत तीनं दानूकडे धाव घेतली.ती येताना पहाताच दानूने दोन्ही हात तिच्या दिशेने उंचावले आणि त्याने तिला " मायं " म्हणुन घट्ट बिलगला.त्याची आई देखील त्याला काही प्रश्न नविचारता धाय मोकळुन रडू लागली.हाच तो क्षण ज्याने दानूच्या आयुष्याला एक वेगळ वळून दिलं.त्या शिक्षणाच्या सोनेरी स्वप्नांच्या वाटा बंद झाल्या होत्या.हि स्वप्नही काही वेळा बरी वाटतात.जशी आपण एखाद्या टि व्ही मालिकेतील एखादा भाग पहातो आणि दोन दिवसात विसरून देखील जातो.या स्वप्नांच देखील अगदी असंच आहे. रात्री पहावित आणि सकाळी विसरून जावित.हे सांगण्याचा उद्देश एवढाच होता की दानूचंही एक निरागस स्वप्न होतं.या व्यवहारी जगात अभ्यासाच्या ताकतीवर खुप-खुप मोठ व्हायचं.भविष्यात एखादी चांगल्या पगाराची नोकरी मिळवून मायं वडिलां सोबत आपल्या नव्या घरात सुखात रहायचं.पण वडिलांच्या निर्णयामुळे दानूच स्वप्न पत्त्यांच्या बंगल्याप्रमाणे क्षणार्धात जमिनीवर येवून आदळले.मोठ होण्यासाठी लागतील तितके श्रम करायला तयार होता तो.या आकस्मिक आलेल्या वादळाने पुरता भांबावलेला होता.परिस्थिती समोर गुढगे टेकेल असं नियतीला देखील वाटलं असेल.पण तसं अजिबात नव्हते.संकट ही अशी भयंकर पीडा आहे कि ती एखाद्याच्या पाठी लागली कि ती पुरेपूर लागते.दानूच्या नशिबाने त्याच्याकडे पुर्णपणे पाठ फिरवली असली तरी त्याचा स्वताःवर विश्वास होता.पण मला त्याच्याकडे पाहून त्याच्या बाबतीत अस काही घडलं असेल अस किंचितही वाटत नव्हते. अशा प्रसंगात माणूस हसू शकतो याच गोष्टींचं मला आश्चर्य वाटत होते.या पेचात तो किंचित देखील तसुभर डगमगला नाही.आज तो त्या क्रुर नियतीशी झुंज देतोय.का माहिती आहे ? कारण त्याला ते गमावलेले ईप्सित साध्य करायचंय. त्याच हरवलेले स्वप्न सत्यात उतरायचंय.पण दानू अपयशातून सावरतो ना सावरतो एके दिवशी कोर्टातला एक माणूस शेतजमिन जप्तीचे कागद घेऊन आला.दानूच्या वडिलांना जोरानं हाक मारतो " हणम्या तुला कोर्टाकडून शेतजमिन जप्तीची नोटीस आलीय लवकर ये "हणम्या गोठयातून तोंड पाडून त्याच्या समोर उभा राहतो.दानूची माय झोपडी बाहेर येते.तीनं कमरेला खोचलेला पदर तोंडावर गच्च धरला. त्या माउलीच्या दोन्ही डोळ्यात जणु श्रावणातले ढग दाटुन आले.दानू देखील सर्वांना स्तब्ध होउन पहात होता.तो माणूस आणि हणम्या झोपडीपासुन एक फरलांग भर अंतरावर जावून बोलत होते.त्या दोघांचा आवाज या माय लेकरांना येत नव्हता. त्यामुळे दानूच्या मायंची घालमेल होत होती.पुर्वेकडुन येणारी सुर्य किरण डोळ्यात झोंबत होती.                    तो माणूस निघून जातो आणि अचानक हणम्या सावित्री म्हणुन तिथंच मटकन बसतो आणि टाहो फोडून शेतातील माती अंगभर लावून रडू लागतो.मायं आणि दानू विजेच्या वेगाने जावुन हणम्याला बिलगतात.तिघेही धाय मोकळुन रडु लागतात. त्यांना बघून गोठयातली जनावर हंबरू लागतात.पलिकडच्या रानात कुत्री भेसुर ओरडू लागतात.क्षणार्धात आता- आता असलेले ऊन नाहीसं होउन आभाळ ढंगांनी भरून आलं.दुरवर कुठेतरी विजांचा गडगडाट कानी येतो.हणम्या स्वतःला बायको पोराला सावरत उठतो आणि तिघही झोपडीत जातात.झोपडीत दार बंद होताच. विजा...सोसाट्याचा वारा...आणि पाऊसाच जणु तांडव चालू होतं...
#short story #New Story "Latest 
https://konkanbeauty8.blogspot.com          ( पुढील भागात ) #KONKAN BEAUTY

# EK HOTA DANU (PART ONE)

Ratnanchi nagiri Ratnagiri

" रत्नांची नगरी रत्नागिरी "                                  #History#Ratnagiri#City#Blog  #KONKAN BEAUTY                  #Ratnanchi nagri Ratnagiri     #Short story #New blog    https://konkanbeauty8.blogspot.com

#Ratnanchi nagiri Ratnagiri 

मित्रांनो गप्पांमध्ये रत्नागिरी हा टाॅपीक आला कि सर्व प्रथम सर्वांना आठवतो तो विस्तीर्ण निळाशार अथांग समुद्र...पायांशी हळूवार लगट करणारी पांढरी वाळू. नारळपाणी...हापूस आंबे...फणस...काजूगर...किती-किती म्हणुन जिभेचे लाड पुरवण्याचे थांबे...पण या सर्वांच्या आधी खरी ओळख येते ती रत्नागिरीच्या लालमातीत घडलेल्या लढवय्या त्या क्रांतीसुर्यांची ज्यांच्या बलाढ्य लेखणीनं...वक्तृत्वानं...ब्रिटीशांना सळो का पळो करून सोडल होतं.सारा हिंदूस्थान ज्यांच्या देशप्रेमानं भारावून गेला होता."स्वातंत्र्य हा माझा जन्मसिध्द अधिकार आहे, आणि तो मी मिळवणारचं" अस इंग्रजांना ठणकाऊन सांगणारे लोकमान्य बाळ गंगाधर टिळक..."ने मजसी ने परत मात्रुभूमीला,सागरा प्राण तळमळला..."अशी मात्रुभूमीला आर्त साद घालणारे...स्वातंत्र्यवीर विनायक दामोदर सावरकर,"शिका आणि संघटीत व्हा" हा मंत्र देणारे भारतीय संविधानाचे शिल्पकार डाॅ.बाबासाहेब आंबेडकर अशी अनेक थोर मंडळींचा सहवास या भूमिला लागला आहे.त्या पवित्र भूमातेला साष्टांग दंडवत.                                                         

# Ratnanchi nagiri Ratnagiri   https://konkanbeauty8.blogspot.com

FATHER OF THE NATION

https://konkanbeauty8.blogspot.com   # FATHER OF THE NATION  " महात्मा गांधी " # Mhatma Gandhi #KONKAN BEAUTY # History #Nation # 2 October #15 August 1947 

# FATHER OF THE NATION 

          मित्रांनो... 2 ऑक्टोबर भारतीय ईतिहासातल्या महामानवाची म्हणजेच आपले राष्ट्रपिता महात्मा मोहनदास करमचंद गांधी यांची 150 सावी जयंती.बापूंचा जन्म 2 ऑक्टोबर 1869 पोरबंदर काठियावाड,गुजरात येथे झाला. शालेय शिक्षण संपवून बापू वयाच्या अवघ्या एकोणीसाव्या वर्षी म्हणजे इ.स.1888 मध्ये ते इंग्लंडमध्ये लंडनला युनिवर्सिटी काॅलेज येथे वकीलीचे शिक्षण घेण्यासाठी गेले. इंग्लंडमध्ये कायद्याचा अभ्यास करून ते वकील बनले. असहकार आणि अहिंसेच्या तत्वांचा वापर सर्व प्रथम त्यांनी आफ्रिकेतिल भारतीयांना त्यांचे नागरि हक्क मिळवुन देण्यासाठी केला.                                                      इ.स.1891 मध्ये ते इंग्लंड सोडून परत भारतात आले.सामान्य जिवनाचा प्रारंभ करण्यासाठी ते राजकोटला आले.मात्र एका इंग्रज अधिकार्यांच्या विरोधात गेल्याने त्यांना आपली वकील थांबवावी लागली. 1893 मध्ये त्यांनीब्रिटिश साम्राज्यामधील नाताळ ( दक्षिण आफ्रिका )येथील दादा अब्दुला आणि कंपनी नावाच्या भारतीय कंपनीतील एका पदासाठी वर्षभरासाठी नियुक्ति झाली.                        इ.स.1915 मध्ये भारतात परत येताच बापूंनी चंपारणमधील कष्टकरी दुर्बल घटकांसाठीचा लढा उभा केला.शेतकरी वर्गावर लादलेला जुलमी कर व जमीनदार यांच्या विरुद्ध लढण्यासाठी त्यांना संघटीत केले.बापूंच्या विचारांवर प्रभाव होता ते त्यांचे राजकीय गुरु भारतीय काॅग्रेसचे नेते गोपाळ कृष्ण गोखले.भारताचे राजकारण व देशातील अनेक सामाजिक राजकीय संकटांचा खरा परीचय गोखलेंनी बापूंना करून दिला होता.लोकमान्य बाळ गंगाधर टिळकांच्या मृत्यूनंतर ते राष्ट्रीय सभेचे प्रमुख नेते बनले.इ.स.1921मध्ये काॅग्रेस नेतृत्वाची सुत्रे हातात घेतली.इ.स.1930 मध्ये इंग्रजांनी लादलेल्या मिठावरील कराविरोधात 250 मैल अंतर असलेल्या दांडी यात्रेच बापूंनी नेतृत्व केलं.                    इ.स.1939 सप्टेंबर मध्ये तडकाफडकी व्हाईसराॅयने जर्मनी विरूद्ध युध्द पुकारलं.हे बापूंना कळताच बापूंनी आणि काॅग्रेसने सरकारचा राजकीय पाठिंबा काढला.काॅग्रेसने 1942 साली ब्रिटिश सरकारकडे स्वातंत्र्याची मागणी केली पण सरकारने त्याकडे कानाडोळा करत त्या विरुद्ध काॅग्रेसचेच्या नेत्यांना तुरूंगात डांबले.दुसरीकडे भारतीय स्वातंत्र्य लढा अर्धवट टाकून मुस्लिम लीगने ब्रिटनला मदत केली. आणि बापूंच्या विरोधाला न जुमानता.मुस्लिमांच्या संपूर्ण स्वतंत्र राष्ट्राची पाकिस्तानची मागणी केली. 1947 मध्ये ब्रिटिशांनी कुटनीती वापरून या हिंदूस्थानच्या भूमीची फाळणी केली.आणि पाकिस्तानने वेगवेगळे स्वातंत्र्य मिळवले.                                                      आणि अखेर तो सोनेरी दिवस उजाडला ज्याची प्रत्येक भारतीय डोळयात प्राण आणुन वाट पहात होता.तो दिवस होता 15 ऑगस्ट इ.स.1947 रोजी ब्रिटिश साम्राज्यापासून भारताला स्वातंत्र्य मिळाले. भारताला स्वातंत्र्य मिळवून देण्यासाठी कित्येक भारतीयांनी आपल्या प्राणांची आहुती दिली.बापूंनी आयुष्यभर अकरा तत्वांची उपासना केली.                  अहिंसा...सत्य...अस्तेय...ब्रम्हचर्य...अपरिग्रह...शरीरश्रम...आस्वाद...सर्वत्र भय वर्जन...सर्व धर्म समानता...स्वदेशी...स्पर्श भावना...निर्भयता या तत्वांना महात्मांनी आपल्या आचरणात आणले.बापूंच्या विचारांना अभिवादन करण्यासाठी संपूर्ण जगभरात आजचा दिवस आंतरराष्ट्रीय          "अहिंसा दिन "म्हणून साजरा केला जातो.     सविनय सत्याग्रहाच्या कल्पनेचे जनक...भारतीय स्वातंत्र्याचे शिल्पकार असलेल्या महामानवाच्या देशात आम्ही जन्मलो याचा आम्हां सर्व भारतीयांना अभिमान आहे.

                                   

 

#FATHER OF THE NATION 

#KONKAN BEAUTY
#India  #Satyagrha #Ahinsa #Satya #Swatyantra #2 august #15 August 1947  https://konkanbeauty8.blogspot.com

KONKAN BEAUTY

#KONKAN BEAUTY परिवारा मध्ये आपले मनःपूर्वक स्वागत! 

#KONKAN BEAUTY

http://konkanbeauty8.blogspot.com

#KONKAN BEAUTY

https://konkanbeauty8.blogspot.com

#KONKAN BEAUTY